"BIG BROTHER" NJE PROGRAM  QE KULTIVON PARAZITIZMIN

Nga Mirela Bogdani

Sigurisht qe programi televiziv "Big Brother" eshte bere popullor ne Shqiperi dhe une e kuptoj eksitimin dhe entuziasmin nga pozitat e atyre qe e organizojne ate (televizionit Top Channel), po ashtu dhe nje pjese te audiences, qe per nivelin qe kane e gjejne si gjene me interesante e zbavitese per te kaluar kohen, ne vend qe te bejne nje pune, te lexojne dicka apo te bejne dicka te dobishme. Po ajo qe s'ma kap truri eshte qe intelektuale e njerez qe mbahen me mend, marrin mundimin jo vetem ta diskutojne, po dhe vleresojne nje program te tille sharlatan, patetik, injorantesk dhe qe kultivon parazitizmin. Per mendimin tim "Big Brother" eshte nje program i dizenjuar per losers, qofte ata qe marrin pjese ne te, qofte ata qe e ndjekin dhe e shikojne Une personalisht e kam per turp e injorim te shikoj nje program te tille.

E dyta dhe me e rendesishmja, cili eshte qellimi i ketij programi? Eksperiment per ti izoluar njerezit nga informacionet dhe kontaktet me boten e jashtme? Per cfare arsyeje dhe cfare pritet te arrihet? Sic ve re me te drejte Adri Nurellari , pjesemarresit e ketij emisioni jane si një kampion që në më të shumtën e rastit përfaqëson prirjet vegjetuese te shumices se rinisë shqiptare, pa objektiva, pa aspirata, qe mundohen qe jeten ta sigurojne jo me pune e studime (pra investim individual), po me metoda llotarish e lojrash fati e duke u mbeshtetur tek te tjeret. Para ca kohesh tek nje emision i Top Show pashe te rreshtuar ca sociologe dhe sigurisht si gjithmone ca "gjithologe" qe diskutonin e komentonin impaktin pozitiv te Big Brother-it nga aspekti sociologjik. U pataksa si mundej ca njerez me mend (disa prej tyre) te harxhonin e kohen per te diskutuar per nje program qe nuk percjell kurfarre mesazhi te dobishem e per ca losers qe bisedojne per ca tema idiote. Cfare do mesosh (sidomos nje intelektual qofte dhe i nevelit nen mesatar) nga bisedat (se s'mund ti quash diskutime) te pjesemarrseve ne Big Brother, qe ne pjesen me te madhe jane te nje niveli te arsimit 8-vjecar (te pakten nga niveli i bisedave qe bejne).

E treta, ai eshte nje program qe kutivon dhe ndjenjen e parazitizmit (duke i gozhduar miletin me ore para TV) ose per menyren e te fituarit te parave (duke ndenjur i ngujuar me muaj pa bere asgje me shprese per te marre nje shume parash pa punuar, po duke vegjetuar qyl). Mbaj mend kur isha per para disa muajsh ne Tirane, shume nga komshijte e mi (femije, adoleshente, te rritut) rrinin me ore para televizorit a thua se c'po shihnin apo c'po perfitonin.

Dhe e fundit, me duket e pamoralshme dhe e paarsyeshme qe gjithe ato para qe shkojne per te mbajtur nje grup loser-ash me muaj, me ushqime, salltanete, (plus speklakli perkates i dites se shtune) mund te shkonin fare mire per te mbajtur me muaj nje azil pleqsh, nje jetimore, apo shume e shume grupe ne nevoje qe ka me shumice Shqiperia. Grotesku arrin kur loser-ave i shtrohen pas speklaklit darka lluksoze nga restorante me emer ne Tirane, kur instrumentiste profesioniste shkojne ti zbavisin me muzike dhome, apo kur u shkojne parukiere po profesioniste tu bejne floket e masazh. Dhe qe ta mbyll, kur fale pjesemarrjes ne kete pragram idiot, loser-at fitojne dhe statusin e "celebrities" !!!!!

 M.B.

www.mirelabogdani.com

Identiteti mbi dallimet

Nga Ndue Ukaj

Vizita e kryeministrit të Kosovës Hashim Thaçi në Shqipëri, pa u analizuar dhe lexuar shumë në dimensionin politik, dha një mesazh të kuptueshëm dhe përtej politikë: Kosova dhe Shqipëria nën një ombrellë kombëtare, tanimë në realitet e reja politike, bashkëpunojnë dhe bashkërendojnë potencialet për të mirat e përbashkëta, duke forcuar kështu substancën kombëtare shqiptare. Thënë shkurt, kjo vizitë, përveç se forcon natyrshëm marrëdhëniet ndërshtetërore mes Kosovës dhe Shqipërisë, në realitetin e ri të krijuar në Kosovë, ajo ishte një përgjigje adekuate ndaj atyre që trumbetojnë për projektimet imagjinare lidhur me identitetin kosovar dhe në anën tjetër kjo vizitë përçon fuqishëm mesazhin se shqiptarët janë shqiptarë kudo që ata jetojnë. Mbi të gjitha, kjo vizitë duke tejkaluar përmasën e një dimension të thjeshtë  politik, implikoi politikën në top temën lidhur me diskursin për identitetin kombëtar dhe këndej pari ishte një goditje e fuqishme ndaj atyre që shfrytëzojnë krijimin e shtetit të Kosovës për të proklamuar tendencat e marra për kombin kosovar. Dy kryeministrat Thaçi dhe Berisha në mënyre eksplicite proklamuan platformat e përbashkëta kombëtare, duke e kuptuar faktin se të fragmentuar jemi fare të parëndësishëm. Andaj, ata dhanë mesazhin e identitetit mbi dallimet. Së këndejmi ata duke i kuptuar dhe jetësuar realitetet e reja politike, kanë dimensionuar angazhimet politike në projekte të përbashkëta kapitale, të cilat kanë rëndësi mbarëkombëtare, sado qofshin ato projekte reale apo jo. Ky ishte sinjal sinifikativ, se ne jemi, në të njëjtën ombrellë të identitetit kombëtar shqiptar, ombrellë kjo që ka domethënie shumështresore për gjithë shqiptarët kudo që ata jetojnë. Kjo vizitë dhe përmasa e saj tejkalon sidomos tendencat e ndryshme të grupeve të caktuara që synojnë të na ndajnë “ne” nga “ata”.  Marrëdhëniet mes Shqipërisë dhe Kosovës jo rrallë herë janë trajtuar sipas prirjeve negative duke u shpërfaq tendenca përçarëse, si dhe një retorike që synonte dhe synon të krijoj ndarjes në vend të bashkërendimit dhe bashkëpunimit. Një paradoks i çoroditur në vete, që nuk gjen pandehmë, edhe përkundër faktit se politika e Tiranës dhe e Prishtinës, sikundër edhe populli përgjithësisht gjithmonë kanë ndjek dhe kultivuar një linjë kombëtare. Dëgjojmë dhe lexojmë jo rrallëherë teza se Kosova duhet të krijoj identitetin kombëtar kosovar dhe ky model i ri automatikisht domethënë “ne” jemi këta dhe duhet të ndahemi nga “ata”, pra të mos jemi sikur ata. Kjo ndarje, në perspektivën e zhvillimeve globale, në kohën e integrimeve të gjithanshme në Europë dhe Ballkan për shqiptarët ka konsekuenca tejet negative. Madje, për mendimin tim është një ide krejtësisht naive dhe ndaj së cilës duhet reflektuar me mençuri. Lexojmë shpeshherë në shtypin shqiptar, sidomos në Kosovë se idetë nacionale tanimë na qenkan të vjetruara, së këndejmi edhe primitive. Ky soj i interpretimit më duket qesharak, ngase është pikërisht e kundërta ajo që i bën shtetet perëndimore aq të fuqishme. Janë idetë nacionale ato që i motivojnë italianët dhe francezët të synojnë majat e kulturës, sportit, ushqimit, dizajnit, ashtu sikurse janë pikërisht ndjenjat nacionale ato që i bëjnë gjermanët të jenë superfuqi ekonomike, apo britanikët e amerikanët “policë” të rendit botëror. Tek ne pikërisht nga mospasja e mirëfilltë e ideve dhe ndjenjave nacionale kemi pësuar deri tash, duke u bërë shpeshherë si armiqtë, duke i imituar ata pavetëdijshëm, apo në raste me të këqija edhe duke u identifikuar me ta. Është moment që ne shqiptarët të ngrehim kokën lart dhe të dëshmojnë botës qytetarinë dhe civilizimin e lashtë, duke ngadhënjyer kundruall të kaluarës së vrazhdë. E ardhmja varet nga e sotmja. Andaj nuk duhet abuzuar. Të unifikuar dhe duke ruajtur civilizimin tonë perëndimor, mund të jemi pjesë respektabile e kombeve të qytetëruara.