për të nxjerrë lekë, ne e kemi bërë dhuratë tokën vetëm për kishën. Ajo meqë është pronare e tokës tani mund të bëjë ctë dojë Brenda mureve të saj. “ .Varreza do të ketë një shtrirje në një sipërfaqe prej 5000 metra katrorë pikërisht aty ku është kasha, ndërsa kjo sipërfaqe është lënë për ndërtimin e manastirit me gjithë oborrin dhe rrethimet përkatëse. Familjet që kanë patur toka në vendin ku po bëhet ndërtimi kanë dhuruar secila nga 200 metra katrorë. Aty ku kanë lënë tokën për kishën me varrezën pritet të vihen eshtrat e 2000 ushtarëve. Një pjesë e banorëve thonë se duke i shërbyer interesit të palës greke për një varrezë ushtarësh fshati mund të përfitojë nga marrëdhëniet e mira. Por ka edhe nga ata që e shohin këtë qimitir si interes të palës greke. Kështu Stavri Visi thotë se është zgjedhur në fshat me komunitet ortodoks dhe kjo më shumë se për interesa të banorëve, është bërë për interesa të palës greke, që të kenë edhe influencën dhe prezencën e tyre në këtë fshat që është shumë afër Korcës. Stavri thotë se si në Ciflig ashtu edhe në Kolonjë është parashikuar të bëhen varreza të ushtarëve grekë. “ Sipas historisë në qarkun tonë kanë rënë edhe ushtarë grekë. Në fakt toka që është bërë dhuratë nga ana e disa familjeve këtu ka qenë jo pronë e tyre por para viteve 90 kanë qenë stalla dhe magazine dhe më vonë u vlerësua si tokë rezervë. Pas vitit 1993 kjo tokë rezervë u vu në dispozicion të fshatit. Me pëlqimin e tyre dhe me kërkesë të kishës fshati ra dakort në mënyrë kolektive që këtë sipërfaqe ta lerë për ndërtimin e një kishe për komunitetin. “ tregon Stavri Visi.  “ me një vendim fshati u ra dakort në ato vite që secili të linte nga 200 metra katrorë për të ngritur një kishë për besimtarët. Më vonë para disa vitesh doli pronari I tokës dhe banorët kaluan në protesta dhe në procese gjyqsore. Konflikti për pronësinë u zgjidh me vednim gjykata dhe toka nuk ju la pronarit por kishës që vazhdon tani të ndërtohet. Këtu do jetë një manastir me kishë dhe qimitir për ushtarët grekë. Po më shumë unë mendoj se kjo nuk po bëhet për interesin e banorëve, por të palës greke. Ne nuk dimë kush e ka vendosur të jetë edhe qimitiri por këtë e këmi dëgjuar dhe në fakt është pranuar nga banorët për sa khë që ata ia kanë lënë tokën e tyre kishës” thotë Stavri. Ndërsa të tjerë banorë thonë se qëllimi I ndërtimit të kësaj kishe me një qimitir të vecantë për eshtrat e ushtarëve, ka në sfond interesa të tjera që mund ti shërbejnë shtetit grek për të bërë një asimilim të popullsisë në një fshat me komunitet ortodoks. Ndërsa manastiri është në ndërtim, banorët hezitojnë të tregojnë për atë që po bëhet në fshatin e tyre. Shumë pak e pranojnë se në këtë vend që i është lënë kishës do të behët edhe varreza, ndërsa të tjerët që e pranojnë në heshjte shprehin akordin e tyre pasi mendojnë se kjo do të ndihmojë fshatin në marrëdhëniet me shtetin grek.

Precedenti i vitit 2003

Besimtarë të fshatit Ciflig me në krye priftin e fshatit të paktën 5 vjet më parë dhe për të parën herë, kanë dalë në protesat në sheshin qëndror të qytetit të Korcës përballë katedrales. Konflikti i banorëve për kishën mori shkas nga pronësia mbi tokën. Pronari Vangjel Riza që kërkonte njohjen e pronësisë nuk ishte dakort me ndërtimin e kishës në tokën që i takonte me dokumenta pas kompensimit të pronarëve të vjetër. Kjo bëri që fshati të niste një konflikt të hapur ku u përfshi edhe kasha për sa kohë që në truallin me sipërfaqe prej 5000 meter katrorë kishte filluar ndërtimi i kishës së fshatit. Kjo situatë bëri që të ndërpriten punimet deri në zgjidhjen  nëpërmjet gjykatës së konfliktit mbi pronësinë. Një vit më vonë pas proceseve gjyqsore u vendos që pronësia ti jepet kishës ortodokse si pronare e vetme pasi ishin familjet që kishin dhuruar truallin që ishte vlerësuar në vitet 93 si tokë rezervë në dispozicion të fshatit. Kanë qenë familjet përfituese të asaj kohe që me një vendim fshati lanë secili nga 200 metra katror. Sot pesë vjet pas zgjidhjes së pronësisë, banorët e Cifligut edhe pse kanë pranuar që në fillim ndërtimin e kishës, duket se janë sërish kompaktë në ekzistencën e një qimitiri për ushtarë grekë.

 Juliana Dhimitri