Sport

Gjendja e mjeruar e ekipit të futbollit ‘Skënderbeu” ka shqetësuar shumë tifozët dhe akoma më tepër specialistët e kësaj fushe. Një prej tyre është edhe Jani Kaçi , portjeri që prej 10 vitesh, 1974-1984, mbrojti portën e përfaqësueses shqiptare, ndërkohë që tani është trainer i dytë i ekipit kombëtar Shpresa. (Fotoja është e vitit 1981 dhe paraqet Kaçin me një prej portierëve më të mirë gjermanë, Herald Shumaker) Ecuria jo e mirë e “Skënderbut” në këto vitet e fundit, sipas tij, e ka shkakun tek mosfunksionimi i institucioneve. Shqetësimi kryesor i Kaçit është shmangia që iu është bërë institucioneve lokale të futbollit, prej Kryetarit të Bashkisë Korçë, Niko Peleshi. “Asambleja e klubit ka 3 vite që nuk është mbedhur dhe kjo ka shkaktuar një krizë të përgjithëshme në ecurinë e klubit” , thekson ikona e portës shqiptare. Mosmbledhja e Asamblesë ka bërë që në klubin “Skënderbeu” të mos zhvillohet asnjë analizë teknike, organizative dhe financiare. Kjo i ka lënë dorë të lirë kryetarit të bashkisë Korçë, Niko Peleshi të vendosë veton për gjithçka; që nga caktimi i trainerëve e deri tek menaxhimi i fondeve. Duke qënë se zoti Peleshi nuk është specialist futbolli, por edhe i asnjë sporti tjetër, ka bërë zgjedhje të gabuara teknike që e kanë çuar ekipin në rezultate katastrofike. Klubi, sipas Kaçit, nuk ka strategji në bazë të sëcilës do të përcaktonte rrugët për shëndoshjen dhe ecurinë e ekipit, të emëruarit në krye të organeve drejtuese kanë prapaskenë klienteliste dhe partiake, sipas interesave dhe shijeve Peleshiste.

Duket se mungesa e institucioneve i shkon përshtat Kryetarit të Bashkisë Korçë, i cili ndjek metoda okulte në menaxhimin e financave lokale dhe në këtë drejtim klubi i sportit “Skënderbeu” është një lopë e majme me shumë të ardhura. Çdo vit klubit i jepen 150 mijon lekë të vjetra prej Këshillit Bashkiak të qytetit, pra në tre vite 450 miljon lekë kanë dalë nga financat e taksapaguesve korçarë, shto këtu edhe të ardhurat prej donatorëve dhe kontributin e biznsmenëve të qytetit, shumat shkojnë në shifra maramendëse. Mungesa e një analize të plotë në drejtimit të financave, hedh dyshime të forta në drejtim të menaxhimit të këtyre financave. Askush nga taksapaguesit korçarë, nuk ka informacion se si janë menaxhuar dhe ku kanë shkuar taksat që atij i vilen çdo muaj dhe për rrjedhojë çdo kush ka të drejtë të mendojë se me to po abuzohet.

Federata Shqiptare e Futbollit braktis stadiumin “Skenderbeu”

Kështu ka ndodhur me stadiumin " Skënderbeu" të qytetit të Korçës. Dy jave pasi ka filluar shtrimi i tapetit të barit (02.10.2008), Federata ka lënë përgjysëm punimet, për shkaqe ende të panjohura. Shtrimi i tapetit të fushës së këtij stadiumi ishte faza përfundimtare e investimit me vlerë mbi 100 mijë euro, që po kryhej për rikonstruksionin e tij. Rreth 8 mijë metra katrorë të stadiumit do të shtroheshin me tapet bari, që ishte përzgjedhur për ti rezistuar kushteve të motit të ftohtë dhe me ngrica në qytetin e Korçës. Ky proces pritej të zgjaste 10 ditë, dhe më pas do të kryheshin punime rregulluese e plotësuese për stadiumin, ndër të cilat më të rëndësishme edhe ato për ndriçimin e tij natën. Por krejt papritur, punimet u ndërprenë. Kjo ve në pikëpyetje përfundimet e punimeve brenda këtij viti, ashtu si edhe ishin planifikuar. Së shpejti në Korçë nis stina e ftohtë dhe bari i mbjellë në temperaturë të ftohtë, do të thahej. Për rrjedhojë mbjellja do të shtyhej për në pranverë. Kjo do ta detyronte ekipin e futbollit “Skënderbeu’’ që ndeshjet t’i zhvillonte në stadiumin e qytetit të Bilishtit, qyteti më i afërt me Korçën.