Sociale

Lajmi e Fundit

Kulture

Sport

Faqja Kryesore

Fajqa Tjetër >>

Rreth Nesh

Shitje

Faqja Roze

Kafja e Intelektualeve

Editorial

Intervista

Reportazhe

Histori

Portrete

Arkiva

Foto e Javes

Dhoma e Lajmeve

Taksistët e Korcës refuzojnë vendosjen e taksimetrave.

Nga Juliana Dhimitri

Reagimi i tyre ka ardhur për shkak të pakënaqësive të akumuluara nga problemet që hasin gjatë aktivitetit por edhe për shkak të tregut dhe tarifave të pakonsultuara më parë me grupet e interesit nga ana e qeverisë. Drejtuesit e mjeteve të shërbimit taksi në qytet pretendojnë se do të dalin kundër vendosjes së taksimetrit për sa kohë që konkurohen nga taksistët e palicensuar që zotërojnë deri në 90% të tregut pa paguar tatime dhe taksa. Edhe pse një pjesë e drejtuesve të mjeteve të këtij shërbimi janë pajisur tashmë me aparatin matës, taksistët thonë se nuk do të venë në punë këtë pajisje pa u hequr më parë nga tregu personat që punojnë taksi pa paguar asnjë detyrim financiar ndaj shtetit. Sipas tyre për shkak të konkurencës së pandershme dhe cmimeve të biletave në bazë të kilometrazhit, rrezikojnë të shkojnë drejt falimentit. Janë të paktën 100 mjete që ushtrojnë aktivitetin e tyre në shërbimin taksi të qytetit që kanë hapur tashmë një konflikt me policinë rrugore dhe bashkinë deri në një kontroll të plotë për largimin nga pikat ku qëndrojnë mjetet taksi të personave të palicensuar. Një muaj pas vendimit të qeverisë për pajisjen me taksimetra, drejtuesit e mjeteve taksi kontestojnë edhe cmimin për kilometra që sipas tyre do të largojë klientët në qytetet periferike të cilat duhet të kenë tjetër trajtim krahasuar me kryeqytetin, duke përfituar në këtë rast nga një ulje taksash. “ Do të refuzojmë të vendosim taksimetrat për aq kohë sa nga ana e shtetit nuk marrim asnjë mbështetje për të na lehtësuar në punën tonë. Për shkak të personave që punojnë taksi pa licencë ne nuk mund të rrezikojmë aktivitetin. Vendosja e taksimetrit do të thotë për ne ta mbyllim fare punën se të gjithë klientët nuk do të jenë dakort me cmimin dhe do ti drejtohen taksive pa licenca. Duhet që të hiqen këta persona nga policia dhe bashkia dhe më pas të punojmë rregullisht, osë në rast të kundërt të na lehtësojë shteti me taksat pasi pjesën më të madhe të fitimit ne duhet ta derdhim në shtet” thotë një nga taksistët Thoma M. Sipas taksistëve që kanë ngritur edhe pretendimet e tyre kundër vendosjes së aparatit një tjetër problem janë edhe mjetet që vijnë nga komunat e tjera ndërsa vetë vlera e një taksimetri sipas tyre shkon 15 herë më shumë se sa kushton një aparat I tillë në vendet fqinje. Drejtuesit e shërbimit taksi në qytet kanë deklaruar se në asnjë rast nuk është marrë mendimi I tyre si grup interesi për ndryshimet që bëhen në një kohë që ende nuk funksionin rregulli një taksi për 1000 banorë. Taksistët kanë dalë edhe më një peticion ku kërkojnë të zgjidhen sa më parë problemet që hasin në aktivitetin e përditshëm. Sic deklarojnë taksistët një abuzim tjetër kryhet me ngjyrën e mjetit të vendosur nga ana e Bashkisë, pasi sipas tyre të njëjtën ngjyrë përdorin edhe komunat dhe bashkia e Maliqit duke shtuar në vendqëndrimet e lejuara për këtë shërbim në qytet të ardhurit nga zona të tjera të cilët nuk mund të kontrollohen por ulin ndjeshëm punën e të licensuarve të qytetit.

<< Faqja E Kaluar