Intervista

A.G: Qëllimi i projektit është të rritë kapacitetet e strukturës së Bashkisë për të tërhequr sa më shumë donatorë, për të thithur sa më shumë fonde dhe për të menaxhuar më mirë fondet në mënyrë që t’i shërbehet maksimalisht qytetarëve të Korçës.

Pyetje: Cilat janë problemet nga të cilat morrët shkas për projektin?

A.G: Disa nga problemet janë niveli i dialogut ndërmjet qeverisë lokale, shoqërisë civile dhe komunitetit të biznesit i cili është shumë i ulet. Shumë herë vihet re konkurrencë dhe mungesë bashkëpunimi midis tre sektorëve. Nuk ka një bashkëpunim të mirë midis sektorëve për të ofruar zhvillim. Ka raste të përpjekjeve të dyfishta të pakoordinuara midis këtyre tre sektorëve. Gjithashtu, nuk ka iniciativa të mjaftueshme për të zgjidhur problemet më thelbësore lidhur më zhvillimin e qëndrueshëm. Kultura e qarjes dhe sharjes shprehet qartë. Kemi dëshirë të shajmë njëri-tjetrin dhe të mos marrin përgjegjësitë që na takojnë ose të japim kontributin e duhur. Nuk ka projekte dhe mbështetje financiare të mjaftueshme për të plotësuar kërkesat dhe nevojat e qytetarëve.

Pyetje: Cilat janë objektivat e projektit?

A.G: Si objektiva të këtij projekti mund të përmendim: Identifikimin e nevojave të qytetarëve dhe rritja e pjesëmarrjes së tyre në proçesin e planfikimit dhe zbatimit të projekteve. Krijimi i partneritetit të duhur për zhvillimin e rajonit, tërheqja e donatorëve dhe investime për rajonin. Mbështetja e grupeve të grave, minoriteteve dhe të të rinjve për të tërhequr sa më shumë burime financiare dhe për të luftuar varfërinë. Gjithashtu, Këshilli i Ideve do të shërbeje si një mjet special për pushtetin lokal për të tërhequr fonde dhe për të përmirësuar shërbimet ndaj komunitetit, krijimi i shërbimeve të reja ndaj tij duke shfrytëzuar teknologjinë e informacionit për qeverisje të mirë. Përgatitja e projekteve të cilat do të mbështesin gratë, të rinjtë dhe minoritetin, rritja e investimeve private në rajon, futja e shërbimeve nëpërmjet celularëve (mobile) për biznesin e vogel ndër të tjera.

Pyetje: Cilat janë avantazhet e këtij projekti?

A.G: Projekti do të rrisë nivelin e dialogut dhe të partneritetit midis qeverisjes lokale (Bashkia Korçë), shoqërisë civile dhe komunitetit të biznesit. Për këtë do të organizohen disa aktivitete që përfshijnë sesione trainimi dhe diskutimi. Këto aktivitete do të identifikojnë problemet dhe do të ndërtojnë ide për zhvillimin e projekteve. Këshilli i Ideve do të jetë grupi kryesor i qytetarëve që do të gjenerojë ide dhe do të asistojë me propozime dhe projekte. Projekti do të sjellë bashkëpunim të sektorëve në rajonin e Korçës, nuk do të ketë kufij për bashkëpunimin midis tyre dhe bazuar në problemet dhe nevojat do të sjellë ndërtimin e projekteve të duhura për t’i ardhur në ndihmë komunitetit.

Projekti do të tregojë që partneriteti dhe bashkëpunimi midis sektorëve do të sjellin rezultate reale suksesi dhe do të jetë një shembull i përdorimit me efikasitet të burimeve njerëzore të qytetit të Korçës.

Bashkëpunimi dhe mbështetja për njëri-tjetrin do të krijojë një ambient pune plot ide dhe besim. Atmosfera e besimit e paprekur nga politika dhe probleme të tjera do të sjellin suksesin e projektit. Projekti është një mundësi e mirë për stafin e bashkisë dhe të tjerë për të fituar eksperiencë.

Faleminderit!

Nonda Kajno