shtyn organizmin të sforcohet dhe të reagojë ndaj stimujve të ndryshëm. Kushti i pashmangshëm është që të bëhet veprimtari sportive të paktën një herë në javë. Kush ka pak kohë duhet të bëjë ciklet apo power plate, të paktën 30 -40 minuta. Platforma dridhëse favorizon një forcim të muskujve, ndërsa cikleta tonifikon këmbët dhe ndihmon funksionin kardiak.  Për natyralistët running dhe aquagym; për të stresuarit not dhe yoga; për të kthjellët kërcime hip-pop, samba, tango dhe të gjitha kërcimet e tjera si dhe mat-pilates.

H- Hollivud

Shtëpitë më të rëndësishme të prodhimit të filmit në botë, nga Walt Disney tek Dreamworks nuk kanë më dyshime: 2009 do të jetë viti i kinemasë 3D tridimensionale. Syzet për 3D janë një revolucion që mund të krahasohen me muzikën në vitet '20 të shekullit të kaluar. Në Amerikë rreth 1000 salla të pajisura, kanë parë rritjen e % për shikime dhe parashikimet për impaktin në Europë janë optimiste. Filmi i parë 3D do të dalë në prill, një kolosal i Dreamworks-it. Në fund të majit do të dalë në sallat e kinemave një film i Xhems Kamerunit. 2009 do të jetë dhe kapitulli i 6-të i Herri Poterit, Nikol Kidmanit, DiKaprios dhe aktorëve të njohur në Itali si Klaudia Xherinit, Elena Sofia Ricit, Nensi Brillit.

I- Interesim botëror për klimën

Lumi i kohës rrjedh drejt një date 30 nëntorit 2009, që do të ngjyroset me jeshil. Do të jetë një vit i rëndësishëm për mjedisin, me shpresën se në Kopenhagen, dy javë pas datës, do të firmoset marreshja për të zëvendësuar protokollin e Kjotos pas 1 janarit 2013. Të gjitha kombet do të thirren të marrin një vendim që të reduktohet prodhimi i anhidridit të karbonit. Më 12 shkurt në Uashington do të organizohet një konferencë mbi impaktet e klimës dhe pritet që Sh.B.A. të pranojë një marrëveshje për një mekanizëm të tregëtisë të kuotave të CO2 si të Europës. Vetë Europa po udhëheq një betejë me plan ambicioz që parashikon 20% ulje dhe përmirësim të eficencës energjitike. Jo rastësisht viti 2009 është shpallur nga WWF, viti i klimës, si rasti i një vendimi largpamës : një ekonomi e qëndrueshme për një planet më të mirë.

 L -Listat

Në kohë krize, kur mund të jetë momenti i përshtatshëm për një investim të ri në bursë? Në pranverë, sipas operatorëve më optimistë, aksionet mund të ringrihen, pas vendimit të Amerikës që synon para me kosto zero. Por probleme mund të ketë për shkak të faturave të derivateve financiare që në fund të 2007 i rëndonin 35 herë produktit të brendshëm bruto SH.B.A-ve. Në Europë mund të arrijë pak më shumë se 1%. Bari për të shëruar ekonominë qëndron në taksat më të ulta. Por në këtë fazë për qeveritë është e pamundur, pasi kanë nevojë për para që të shpëtojnë ndërmarrjet. Me një ekonomi më të shtetëzuar ka rrezik shpërthimi i borxhit publik botëror.

M- Moda me ngjyra.

Xhon Galiani guxoi tek e verdha me portokalli. Versace braktisi ngjyrën e zezë për mbrëmje dhe provoi të kaltrën, rozën, portokallinë. Prada porpozoi lekurën e gjarpërit dhe veshje të praruara si letrat e cokollatave. Kaq shumë ngjyra mungonin prej vitesh në pasarela. Aksesorët gjithshtu do të pësojnë ndryshim me të gjitha ngjyrat e metaleve. Dëshira për ngjyra u vu re që në stinën e kaluar.

N- Ndryshime

Italia me dy kongreset e poleve do të ndryshojë sistemin politik. Janë dy takime celës pas zgjedhjeve të prillit 2008. Shkrirja e Aleances me grupimin e Berluskonit dhe shkrirjes në të të bashkimit të majtë pak kohë më parë. Lidershipi i majtë Veltroni, duket më i lëkundur brenda grupimit. Berluskoni në grupimin e tij duket më i qëndrueshëm. Në Shqipëri kodi i ri elektoral i jep fund meritokracisë dhe i hap rrugën militantizmit më të egër brenda grupimeve. Ballkani ndoshta do të jetë në qendër të vëmendjes me problemet e tij të intergrimit dhe njohjes së shteteve të rinj, tashmë realitete të padiskutueshme në këtë hapësirë gjeografike.

O- Obama

Është presidenti i parë që arrin në Shtëpinë e Bardhë me një koleksion librazh

vizatimorë. As vetë Spajdermani nuk është përballur kurrë me sfida që e presin Obamën. Qeveria e Obamës do të fillojë punë më datën 20 janar dhe para saj do të ketë një axhendë mjaft të ngjeshur brenda vendit dhe në aspektin ndërkombëtar : reformimin e sistemit financiar global dhe të vetin si qëndra e re e kapitalizmit amerikan. Trashëgoi 3 luftra dhe kërcënimin e terrorizmit ndërkombëtar, por në plan të parë është ndoshta përplasja me Iranin. Mbi të gjitha; detyra kryesore e tij është rikthimi i besimit, jo vetëm në tregjet globale, por edhe në aftësinë drejtuese në një sistem shumëpolësh. Disa premtime po perëndojnë pa filluar ende si problemi i Irakut. Problemi i klimës do të marrë kthesën e duhur pas 8 viteve të administratës Bush.

 

SI DUHET LEXUAR 2009-A!?

Alfabeti me kalendarin e ngjarjeve të pritshme të 2009-es na vjen në ndihmë…

 

Përgatiti Arjan Kallço

 

A-Amanda
Në pritje të proceseve ndaj të rinjve të mirë (të presupozueshëm të tillë). Biondë, me ngjyrë, të rinj të akuzuar për vrasjen e një studenteje angleze, Meredith Kercher në Itali. Do të jenë proceset gjyqësore të vitit. Gjatë 2008-es ata monopolizuan mediat, por që sigurisht edhe këtë vit katalizimi i vëmendjes së mediave do të jetë i padiskutueshëm.

B -Bekam
Fotografët dhe paparacët e provuan të parët efektin e mbërritjes në Milano në skuadrëne e Milanit. Cifti që fiton 50 milionë euro në vit do të jetë sigurisht për tre muajt e ardhshëm në rrugën Abruci, shtëpi që ua këshilluan Maldini e Sheva.
Viktoria e dëshironte Milanon para se të shkonin në Madrid. Nuk rreshtnin telefonatat pasi në Spanjë nuk dinte ku të shkonte për shooping. Kur burri do të jetë i impenjuar në fushë, gruaja nuk do të rrijë duarkryq. Prej disa vitesh ka një linjë mode dhe prej pak kohësh nënshkroi një kontratë me Armanin. Por miqtë më të mirë mbeten Dolce & Gabbana, pasi janë miqtë e tyre më të mirë. Gabban i bindi që të mos shkonin në periferi. Kush i njeh mirë thotë se do ta revolucionarizojnë jetën milaneze.

C- Cip
Nga 28 qershori do të mbërrijë pasaporta e re europiane. Përvec fotove dixhitale dhe cipit brenda, dokumentat për riatdhesimin do të kenë dy shenja. Garanti i privacy-së parashikon një sistem mbrojtës me celësa sigurie. Të dhënat do të lexohen vetëm për identifikim. Do të merren vetëm shenjat e treguesit dhe të mesmit, por nëse cilësia nuk është e mirë do të kalohet dhe në gishtat e tjerë. Do të instalohen në 4 mijë pika në gjithë Europën pajisje për kontrollin e dokumentave biometrikë në kufij. Brukseli parashikon zëvendësimin brenda 10 viteve në vazhdim. Po kostoja? Sot taksat variojnë nga 20 deri në 120 euro. Në Gjermani, i vetmi vend që ka futur modelin e ri kostoja shkon deri në 59 euro.

D- Darvini
200 vjetori i i lindjes së natyralistit të madh anglez. Do të jetë e hapur deri në datën 19 prill ekspozita mbi Udhëtimin përreth botës të Darvinit në Muzeun e historisë e natyrës në Londër. Ndërsa qendra Darvin do të hapet në shtator. Një ekspozitë tjetër nga 5 shkurti do të hapet në frankfurt. Më 13 shkurt do të hapet për publikun shtëpia e tij në Kent. Ekspozita dhe takime do të organizohen edhe në Paris. Por më e pritëshmja do të jetë ngjarja në Vatikan nga 3 deri në 7 mars. Takimi do të përqëndrohet në Darvinin shkencëtar dhe biolog pa marrë parasysh aspektet filozofike dhe ideologjike të darvinizmit. Sipas një sondazhi në ShBA 52 % e katolikëve dhe 32 & e ungjillorëve u beson teorive të Darvinit.

E- Emrat e rinj të Parlamentarëve europianë
Më datën 6 dhe 7 qershor zgjedhjet europiane. Në Itali një referendum për ligjin elektoral do të kalohet në bipartitizëm. Zgjedhjet për Parlamentin e ri në Shqipëri në qershor të vitit të ardhshëm.

F- Futurizmi
100 vjetori i Futurizmit me poetin italian Marineti. Në vitin 1909 del traktati futurist në të përditshmen Figaro. Frymë e re në politikë, zakone dhe moral. Vizioni i ri në pikturë, skulpturë, teatër, muzikë, letërsi, arkitekturë. Dinamizmi i kozmosit shfaqet tek parullat : Gjtihcka lëviz, vrapon, kthehet me shpejtësi. Nëse më parë shihej me dyshim, si parafashist, Futurizmi njihet si një nga lëvizjet më të rëndësishme të viteve '900. Do të ketë ekspozitë nga data 5 shkurt deri në 7 qershor në Pallatin Mbretëror në Milano, në Romë në residencën e Presidentit dhe në Paris. Ka një projekt “Futurizmi 100” në tre ekspozita në Itali, Gjermani, Rusi nga data 17 janar deri në 7 qershor.

G- Gym-fusion
Karinë Baillet, kampione e botës në raid dhe autorja e një doracaku fatlum “Raid, multisport dhe natyrë”, ka kohë që e mbështet një gjë të tillë. Jo më një sport që mund të dëmtojë trupin, por një shkrirje që do të ketë sukses në 2009 me shkollën Gym-fusion : nevoja për të praktikuar dy aktivitete sportive plotësuese për tonifikuar muskujt dhe për të përmirësuar trupin. Kombinimi i dy veprimtarive e