Profesor Dr. Elfrida Zefi;“Personaliteti i Vitit 2008”.

Pas një sondazhi që zgjati për gati 3 muaj dhe që u zhvillua duke kontaktuar, nëpërmjet telefonatave dhe elektronikisht, me 730 qytetarë korçarë, gjithashtu, duke parë klikimet nëpër shkrime të ndryshme të webgazetëswww.korcanews.com , redaksia e kësaj gazete vendosi të shpallë Prefekten e Qarkut Korçë, Profesor Dr. Elfrida Zefin si “Personalitetin e Vitit 2008”. Ky titull ështe motivuar në katër drejtime:

1. Si personi i veshur me pushtet që iu ka qëndrua me afër qytetarëve ne raste fatkeqësish natyrore dhe njerëzore.
2. Si personi i veshur me pushtet që ka patur një sjellje të kulturuar, humane dhe thellësisht qytetare në takime me njerzit e thjeshtë, duke i pritur dhe dëgjuar ata me durim dhe respekt, pavarësisht nga statusi shoqëror, fetar apo partiak, që ata kanë.
3. Si personi i veshur me pushtet që ka përkrahur pa rezerva njerzit e artit dhe kulturës.
4. Si personi i veshur me pushtet që ka treguar transparencë maksimale në marrëdhëniet me gazetarët pamvarësisht nga medja së cilës ata i përkasin.

 “Personaliteti i vitit” do të shpallet çdo fundviti në faqet e kësaj webgazete dhe procedurat për zgjedhjen e tij do të nisin javën e parë të muajit tetor. Baza e kësaj zgjedhjeje do të jenë emrat më të klikuar nëpër shkrimet e botuara gjatë vitit, si edhe sondazhet e drejtpërdrejta me qytetarët.

Erget Cenolli